இங்கு ஜெர்மனியில் கிறிஸ்மஸ் பண்டிகையை மக்கள் வீட்டில் கொண்டாட கிறிஸ்மஸ் மரங்கள் தேவைப்படுகின்றன. இதனைக் கருத்தில் கொண்டு எல்லா கிராமங்களிலும் கிறிஸ்மஸ் மரங்களை விற்பனைக்கு வைத்துள்ளனர். இந்த மரங்களை வாங்கிச் சென்று வீட்டில் 24ம் தேதி மதியம் தொடங்கி அலங்கரிப்பார்கள். மாலையில் அலங்காரம் முடிந்து விடும். பரிசுப் பொருட்களை மரத்தின் கீழே வைத்து மாலையில் அனைவரும் பரிசுகளைத் திறந்து பார்த்து மகிழ்வார்கள். கிறிஸ்மஸ் பண்டிகைக்கென்றே இவ்வகை மரங்கள் வளர்க்கப்படுகின்றன. ஒரு சாதாரண மரத்தின் விலை 30லிருந்து 80 யூரோ வரை இருக்கும். பெரிய மரங்கள் இன்னும் கூடுதலான விலையில் விற்கப்படுகின்றன.
