புனைப் பெயர் லூனா - Deckname Luna (திரைப்படம்)

கடந்த புதன் வியாழன் இரு நாட்கள் இரண்டு பகுதிகளாக பிரித்து உள்ளூர் தொலைகாட்சியில்காட்டபப்ட்ட ஒரு படம். 

படத்தின் நாயகி நாயகியர் உள்ளூர் திரைப்பட தொலைக்கட்சிப் பட நடிக நடிகைகளே. Anna Maria Mühe கதாநாயகி. Götz George விஞ்ஞானி - தாத்தா , Ludwig Trepte, Maxim Mehmet, Heino Ferch  கதாநாயகன் - கிழக்கு ஜெர்மனி உளவுத்துறை அதிகாரி, André Hennicke, Kirsten Block, Uwe Preuss, Christian Näthe, Stefanie Stappenbeck என பல நடிகர்கள்.

கதை 1960ம் ஆண்டு பின்னனியில் உருவாக்கப்பட்டது. கிழக்கு ஜெர்மனியில் அரசியலில் உள்ள ஒரு பெண்மனிக்கு ஒரு மகனும் மகளும். மகன் குர்ட் ஒரு ரொட்டிக் கடையில் பணி புரிபவர். உடல் நலக் குறைவு என நம்புவதால் அவரை மிக எளிதான பணிக்குச் சேர்த்து விடுகின்றனர் பெற்றோர். மகள் லோட்டெ எல்லாவற்றையும் தெரிந்து  கொள்ள வேண்டும் என்ற விருப்பம் உள்ளவர். கிழக்கு ஜெர்மனி படையில் சேர்ந்து விண்வெளி ஆராய்ச்சிப் பள்ளியில் படித்து உயர வேண்டும் என கனவு காண்பவர். தாயாரின் இயந்திரக் கம்பெனியிலே யே பணி புரிகின்றார். 

லோட்டெவும் அவள் தம்பி குர்ட்டும் - ஒரு உடைந்த விமானத்தில்  உட்கார்ந்து பேசிக் கொண்டிருக்கும் காட்சி

கிழக்கு ஜெர்மனியில் ரகசிய கண்காணிப்பு அதிகாரிகள் குழு லோட்டவை சீக்ரெட் ஏஜெண்டாக பயன்படுத்த நினைக்கின்றது. அதனால் அவரை பின் தொடர்ந்து அவரது செயல்களை கவனித்து வருகின்றது. அது சமயம் அவரது தாத்தா விண்வெளி ஆராய்ச்சி அதிகாரியாக கிழக்கு ஜெர்ம்னையில் பணிபுரிபவர். கிழக்கு ஜெர்மனியில் தனக்கு மேலும் ஆய்வு செய்ய வழில்லை என்று தெரிந்து மனம் வருந்தி அவர் மேற்கு ஜெர்மனி உளவுப்படையின் உதவியோடு இரவோடு இரவாக தப்பித்து வந்துஆக்ஸ்பர்க் விண்வெளி கூடத்தில் ஆய்வுத்துறையில் இணைந்து கொள்கின்றார். இது மேலும் லோட்டெ குடும்பத்தின்  மேல் கிழக்கு ஜெர்மனி உளத்துறை கவனம் வைக்க காரணமாகின்றது. லோட்டெவுக்கு ஒரு காதலன். ஆனால் அவனுக்கு லோட்டெவின் கனவுகள்  அதன் முக்கியத்துவம் எதுவும் புரியவில்லை. 

கதாநாயகன் - ஸ்டாசி மேஜர் மோல். லோட்டவை கண்காணித்துக் கொண்டே வருபவர்

மீண்டும் மீண்டும் விண்வெளி ஆய்வில் ஈடுபட விண்ணப்பிக்கும் லோட்டெவின் விண்ணப்பங்கள் நிராகரிக்கப்படுகின்றன.  மனம் உடைந்திருக்கும் லோட்டெ தனது மன்க்குறையை தனது வேலையிடத்தில் உள்ள தோழியிடம் சொல்ல அவள் லோட்டவை ஒரிடத்திற்கு இரவில் அழைக்கின்றாள். அங்கே செல்லும் லோட்டெ அங்கே கிழக்கு ஜெர்மனி செயல்படுகளை எதிர்க்கவும் சுதந்திரம் கேட்டு தவிக்கும் எண்ணத்துடன் இளைஞர்கள் குழு ஒன்று ஈடுபட்டு வருவதையும் கண்கின்றாள். அங்கு லோட்டெவுக்கு ஒரு ஆச்சரியம் காத்திருக்கின்றது. 

அந்தப் பாசறையில் அவளது தம்பியும் தீவிரமாக அவர்களுடன் ஈடுபட்டிருப்பதைப் பார்த்து ஆச்சரியமும் தம்பியின் மேல் மிகுந்த அன்பும் கொள்கின்றாள். ஒன்றும் தெரியாதவனைப் போல வெளியே காட்டிக் கொள்ளும் தம்பி இப்படி ஒரு இடத்தில் தன்னை விட மிக தீவிரத்துட்ன் இருப்பதைக் கண்டு அவளுக்கு மனதில் ஆனந்தம். அன்று இரவே ஊரார் தூங்கும் சமயம் பல இடங்களில் கிழக்கு ஜெர்மனி அரசிற்கு மக்கள் சுதந்திரம் பற்றிய அறிக்கை ஒன்றை தயாரித்து எல்லா இடங்களிலும் ஒட்டும் பணி நடக்கின்றது. 

லோட்டெ இரவில் சுவரொட்டிகளை ஒட்டிக் கொண்டிருக்கும் போது அதனை பார்த்து விடும் அவள் காதலன் அவளைத் தடுக்கின்றான். முடியாது என்று தெரிந்தவுடன் போய்விடுகின்றான். போனவன் சும்மா இல்லாமல் கிழக்கு ஜெர்மனி காவல் துறையிடம் சொல்லிவிட அன்று இரவே அவளை போலீஸார் கைது செய்து சிறையிலடைத்து சித்திரவதை செய்கின்றனர். சிறையில் உட்காரக் கூடாது, தூங்கக்க் ஊடாது என அவர்கள் படுத்தும் பாட்டிலும் தனது தம்பி சார்ந்திருக்கும் ரகசிய கும்பலைப் பற்றிய தகவலை சொல்ல மறுக்கின்றார் லோட்டெ.  ஸ்டாசி உளவுத் துறை மேஜர் மோல் லோட்டவை எப்படியாகினும் தனது உளவுத்துறைக்குள் சேர்த்துக் கொள்ள வேண்டும் என்ற தீவிரத்துடன் இருப்பதால் அவளை வெளியே விட அனுமதிக்கின்றார். ஆனால் பின் தொடர்கின்றார். 

அவள் தன் காதலன் தான் தன்னை காட்டிக் கொடுத்தவன் என்று தெரிந்து நேராகச் சென்று அவனிடம் சண்டையிடும் போது படிகளில் அவன் கால் தடுக்கி விழுந்து இறந்து விடுகின்றான். கொலை குற்றமும் சேர்ந்து விட்ட நிலையில் அங்கிருந்து ஓடி தப்பிக்க முயலும் லோட்டெ தனது தம்பியின் இரவு ரொட்டிக்கடைக்குப் போகின்றாள். லோட்டெவின் நிலையறிந்து துறைமுகத்தில் ரொட்டி கொடுக்கச் செல்லும் வேனில் அவளை ஏற்றிக் கொண்டு செல்கின்றான் குர்ட். அங்கிருந்து செல்லும் ஏதாவது ஒரு படகில் ஒளிந்து அவள் மேற்கு ஜெர்மனி சென்று விடுவதே நல்லது என இருவரும் நினைக்கின்றனர், லோட்டெ ஒரு மீன்பிடிக்கும் கப்பலில் ஏறிக்கொள்ள அங்கும் சில  சிரமங்களை எதிர்நோக்கி ஒரு வழியாக மேற்கு ஜெர்மனி கடற்கரை  நகரம் ஒன்று வந்து சேர்ந்து விடுகின்றாள்.

ஆனால் போலீஸார்  தம்பியை கைது செய்து சிறையில் அடைத்து விடுகின்றனர்.

அந்தக் காலகட்டத்தில் கிழக்கிலிருந்து வரும் மக்களுக்கு மேற்கு ஜெர்மனி மக்கள் மிகவும் உதவுவார்களாம். அதேபோல ஒரு குடும்பம் இவளுக்கு உதவ இவள் தனது தாத்தாவைத் தேடி அக்ஸ்பெர்க் வருகின்றாள். அங்கே தனது சித்தியையும் தனது தாத்தவையும் பார்த்து அவர்களுடனேயே தங்கி விடுகின்றாள்.

அங்கே தாத்தாவுடன் விண்வெளி ஆய்வுக்கூடத்தில் பணிபுரியும் டாக்டர் ஹெர்மானுக்கும் இவளுக்கும் காதல் வருகின்றது. இதற்கிடையில் தம்பியை துன்புறுத்திக் கொண்டிருக்கும் ஸ்டாஸி உளவுத்துறை ஆக்ஸ்பெர்க்கில் லோட்டெ இருக்கும் இடத்தை கண்டுபிடித்து வந்து அவள் கிழக்கு ஜெர்ம்னி உளவுத்துறைக்கு பணி புரிய வேஎண்டும் என மிரட்டுகின்றது. இல்லையேல் தம்பியை சித்திரவதை செய்து கொண்டே இருப்போம் என பயம் ஏற்படுத்துகின்றார் மேஜர் மோல்.

பல முயற்சிகளுக்குப் பின் சம்மதிக்கும் லோட்டே இதற்காக விண்வெளி ஆய்வுக் கூடத்தில் பணிபுரிய விண்ணப்பித்து விண்வெளி கூடத்தில் இணைந்து இரவு பகலாக ஸ்டாஸி உளவுத்துறை ரகசிய அமைப்புக்களின் பாடங்களைப் படித்து வருகின்றார். சில மாதங்களில் தேர்ந்த  ஒரு ரகசிய உளவு பார்க்கும் பெண்ணாக மாறி விடுகின்றார். இவரது நோக்கம் தனது தாத்தாவும் காதலனும் பணிபுரியும் ராக்கெட் திட்டத்தை கிழக்கு ஜெர்மனிக்கு உளவு பார்த்து சொல்வது. அமெரிக்க மேற்கு ஜெர்மனி ஆய்வுத் திட்டத்தையும் திருடிச் செல்வதும் அவள் பணிகளில் ஒன்றாகின்றது. அப்போது அவளுக்கு வழங்கப்படும் புனைப்பெயரே லூனா என்பது.

இதனை சரிவர செய்து வரும் வேளையில் லோட்டெவுக்கும் டாக்டர் ஹெர்மானுக்கும் திருமணம் நடைபெறுகின்றது. 

ரகசியங்கள் வெளிப்பட்டதல் இரண்டு திட்டங்களில் தோல்வியைக் காணும் விண்வெளி ஆய்வுக் கூடம் திகைத்து நிற்கின்றது. அக்காலக் கட்டத்தில் அமெரிக்க அதிபர் கென்னடி கொல்லபப்டும் செய்தியும் திகைக்க வைக்கின்றது. அப்போது நடைபெறும் ஒரு அனைத்துலக விண்வெளி ஆய்வு மானாட்டில் கலந்து கொள்ளச் செல்லும் தாத்தா கணவனுடன் ஆங்கில மொழி பெயர்ப்பாளராக பணிபுரியச் செல்கின்றார் லோட்டெ. அங்கே அவள் நடவடிக்கையைக் கூர்ந்து கவனிக்கும் கணவன் அவள் கிழக்கு ஜெர்மனி உளவுத்துறைக்காக பணிபுரிவதைக் கண்டு பிடித்து விடுகின்றான். பின்னர் அவனது ஆலோசனையின் பேரில் மேற்கு ஜெர்ம்னி உளவுப் படையில் சரணடைந்து அவர்களுக்காக கிழக்கு ஜெர்மனை உளவுப் படையை காட்டிக் கொடுக்க சம்மதிக்கின்றாள். தம்பியை அவர்கள் விடுவிக்க உதவ வேண்டும் என்ற கோரிக்கையுடன்!

இப்படி சென்று கொண்டிருக்கும் போது விண்வெளி கூடத்தில் ரஷ்யாவிற்காக உளவு பார்க்கும் ஏஜெண்ட் கோஸ்மோஸ் என்ற பெயரில் ஒருவர் விண்வெளி கூடத்தில் இருப்பதை மேற்கு ஜெர்மனி உளவுத்துறை கண்டு பிடிக்கின்றது. ஆனால் அது யார் என்பது தெரியாத புதிராக இருக்கின்றது. ஒரு வேளையில் தனது தாத்தாதான் அந்த கோஸ்மோஸ் எனப்பெயர்கொண்ட ரஷ்ய உளவுத்துறைக்குப் பணிபுரிபவர் என் கண்டறிகின்றாள் லோட்டெ. 

அந்த வேளையிலேயே தனது பிறப்பை பற்றியும் ஒரு புதிய செய்தி அவளுக்கு கிடைக்கின்றது. அதாவது தான் அவரது பேத்தி அல்ல என்பதும் அவரது ரஷ்ய காதலிக்குப் பிறந்த மகள் என்பதும் அறிகின்றாள். 

கிழக்கு ஜெர்மனியும் கோஸ்மோசை தேடுவதால்தாத்தா (அப்பா( வின் சம்மதத்துடன் ) தனக்கு கோஸ்மோஸ் இருக்கும் இடம் தெரியும் என்று சொல்லி கோஸ்மோஸை அனுப்பி தம்பியை பெற்றுக் கொள்ள செய்தி அனுப்புகின்றாள். ஸ்டாஸி உளவுத்துறை சம்மதிக்க செக் போய்ண்ட் சார்லியில் இருவரையும் மாற்றிக் கொள்ள் திட்டமிட்டு அங்கு செல்கின்றனர். 

அங்கு நடைபெறும் சிறு பிரச்சனையில் கோஸ்மோஸ் என அறியப்படும் விஞ்ஞானி ஸ்டாஸி உளவுத்துறை அதிகாரி ஒருவரால் சுட்டுக் கொல்லப்படுகின்றார். ஆனால் தம்பியை மீட்டுக் கொண்டு மேற்கு ஜெர்ம்னி உளவுத்த்துறை ஆதரவுடன் தனது கணவனுடன் திரும்புகின்றாள் லோட்டெ.

இது உண்மை கதையை தழுவிய படம். அந்த காலகட்டத்தில் கிழக்கு ஜெர்மனியில் மக்கள் யாரையுமே நம்பாமல் வாழ்ந்த நிலையை நன்கு படம் பிடித்துக் காட்டியுள்ளது இந்தப் படம். எந்த நேரமும் எதுவும் நடைபெறலாம். எல்லோரும் எப்போதும் உளவுத்துறையால் கண்காணிக்கப்படுகின்றனர் என்கின்ற உணர்வுகள் நிறைந்த  சூழ்நிலை.

சிறந்த  கலைஞர்களின் அருமையான நடிப்பு. என் மனதில் பதிந்த படங்களில் இது நிச்சயமாக இருக்கும்.

சுபா